على الله اطوي كل الاوراق وانساك
والمعذره عن كل ماجاك مني
صحيح ما ازعلتك عشان اترضاك
بس المكان بدون صوتك غبني
يابو عيون ناعسه قبل ما القاك
مرتاح بالي سالي مطمأني
ومن عقب شفتك فز قلبي وتلقاك
شفت العيون اللي حلاهن فتني
حبك نقشته وسط قلبي بيمناك
وسهم المحبه وسط قلبي طعني
كنت انت نبض القلب و القلب يفداك
ولا كنت اصدق فيك منهو عذلني
وازعل على كل المخاليق لرضاك
ونسيت معروفي وخيبت ظني
ومن عقب فرقاك امتلى دربي اشواك
اسهر على صورتك وابكي واوني
الله يجيبك لي برغبتك ورضاك
واعيش طول العمر معك متهني
ولا يطيًب خاطري منك وانساك
ويسامحك ربي ويبعدك عني
(لأمــــــــــانة منقـــــــــــولــــــــــــة)
موضوع: على الله اطوي كل الاوراق وانساك 
الثلاثاء ديسمبر 28, 2010 12:47 pm